УДИРДЛАГЫН МЭДЭЭЛЛИЙН СИСТЕМД ХИЙСЭН ШИНЖИЛГЭЭ “ИХ, ДЭЭД СУРГУУЛИУДЫН ЖИШЭЭН ДЭЭР”

Abstract

Манай Улсын дээд боловсролын салбарт 2003 онд анх ШУТИС удирдлагын мэдээллийн системийг хөгжүүлэн хэрэглэх болсноор салбарын хэмжээнд УМС-ийг хөгжүүлэх эхлэл тавигдсан гэж үздэг. Одоогийн байдлаар удирдлагын мэдээллийн системийг их сургуулийн үйл ажиллагаанд бүрэн ашиглаж, тэрхүү системийг өөрийн дотоод нөөцөөр хөгжүүлж буй Монгол Улсын Их Сургууль Sisi, Шинжлэх Ухаан Технологийн Их сургуулиудын удирдлагын мэдээллийн систем нь хамгийн олон модултай ба найдвартай ажиллагаатай систем болох нь харагдаж байна. Бид энэхүү судалгааны ажлаар олон улсын түвшинд хүлээн зөвшөөрөгдөн хэрэглэж буй Технологи хүлээн авах загвар (Technology Acceptance Model)-ыг ашиглан төрийн өмчийн дөрвөн их сургуулийн удирдлагын мэдээллийн систем хэрэглэгчдийн тухайн өөрсдийн ашиглаж буй системийг хэрхэн хүлээн авч хэрэглэж байгаа талаар судлан шинжилгээ хийсэн болно.