The Mongolian State’s Golden Tether Policy: Legal Foundations, Traditions, and Reform Issues

Abstract

No abstract in English

Монгол төрийн алтан аргамжийн бодлого: Эрх зүйн үндэс, уламжлал, шинэчлэлийн асуудалд

“Монголын нууц товчоо”-ны өгүүлэмжээс эхтэй, найман зууны тэртээ их эзэн Чингис хааны мэргэн ухаан, ухаалаг сэтгэмжийн томьёолол болон үүссэн “Алтан аргамж” хэмээх хэллэг судалгааны ажлын эргэлтэд зүй ёсоор орж ирж байна. Энэ нь дэлхий ертөнцийн өнөөгийн төлөв байдал болон Чингис хаан судлал өргөжиж буй энэ цагийн шаардлагаар нөхцөлдөж байна. “Алтан аргамж”¹-ийн утга нь найрамдал, найрамдалт харилцаа; тогтсон ёс журам гэсэн утгыг илэрхийлнэ. “Алтан аргамж” нь Их Монгол Улсын үеэс гадаад худалдааны бэлгэдэл; чөлөөт худалдааг дэлхий нийтэд дэлгэрүүлэх, хүн төрөлхтний эдийн засгийн эрмэлзэл, ашиг сонирхлыг холбох; Монгол Улсын эрх ашгийг хамгаалсан, улс хоорондын харилцаанд энх амгаланг эрхэмлэсэн гадаад бодлогыг хэрэгжүүлэхэд үнэтэй хувь нэмэр оруулсан гэж үзэж болно.